સમગ્ર ગુજરાતમાં ભારે વરસાદની આગાહી! 24 કલાકમાં સૌથી વધુ વાપીમાં 12.8 ઈંચ વરસાદ પડ્યો, જાણો જન્માષ્ટમી પર ક્યાં પડશ્ વરસાદ?

ગુજરાતમાં મેઘરાજાએ એક વિરામ લીધા બાદ ફરી એકવાર વરસાદનું જોર વધ્યું છે.  ગુજરાતમાં મેઘરાજા ફરી એકવાર એક્ટિવ થયા છે. વરસાદી સિસ્ટમો ગુજરાત તરફ આવતા રાજ્યભરમાં વરસાદી માહોલ બન્યો છે. જેમાં આગામી દિવસોમાં પણ રાજ્યમાં ભારેથી અતિભારે અને ક્યાંક અતિથી અતિભારે વરસાદની સંભાવનાઓ સાથે હવામાન વિભાગે રેડ અને ઓરેન્જ એલર્ટ આપ્યું છે. ગુજરાતમાં શનિવારે સવારે 6 વાગ્યાથી રવિવારના સવારના 6 વાગ્યા સુધીમાં સૌથી વધુ 12.8 ઈંચ વરસાદ દક્ષિણ ગુજરાતના વલસાડના વાપી તાલુકામાં થયો છે. આ સિવાય વલસાડના કપરાડા (11.8 ઈંચ) અને પારડી (11.8 ઈંચ)માં અતિભારે વરસાદ થયો છે.

► 24 કલાકમાં વાપીમાં 12.8 ઈંચ તો સુરતના ઉમરપાડામાં 11 ઈંચ વરસાદ

ગુજરાતમાં શનિવારે મોનસુન ટ્રોફ અને વરસાદી સિસ્ટમના કારણે વરસાદનું જોર રહ્યું હતું જે આજે તથા આગામી દિવસોમાં પણ જોવા મળે તેવી સંભાવનાઓ હવામાન વિભાગ દ્વારા વ્યક્ત કરવામાં આવી છે. 24 કલાકમાં સુરતના ઉમરપાડામાં 11 ઈંચ, નવસારીના ખેરગામમાં 10.5 ઈંચ અને વલસાડના ધરમપુરમાં 8.8 ઈંચ વરસાદ થયો છે. 24મી તારીખે રાજ્યમાં 7 તાલુકાઓમાં 200mmથી વધુ વરસાદ નોંધાયો છે. જ્યારે 27 તાલુકા એવા છે કે જ્યાં 100mmથી વધારે વરસાદ નોંધાયો છે. 24મીએ રાજ્યના 234 તાલુકાઓમાં વરસાદ નોંધાયો છે. અમદાવાદના કુલ 10 જેટલા તાલુકાઓમાં વરસાદ નોંધાયો છે જેમાં સૌથી વધુ ધોળકામાં 3 ઈંચ જેટલો વરસાદ નોંધાયો છે. મહેસાણાના 10 તાલુકામાં વરસાદ નોંધાયો છે જેમાં વિજાપુરમાં સૌથી વધુ 8 ઈંચ કરતા વધુ વરસાદ થયો છે.

► રવિવારે ક્યાં પડશે ભારે વરસાદ?

રવિવાર માટે કરાયેલી આગાહીમાં ભરૂચ અને સુરતમાં અતિથી અતિભારે વરસાદની સંભાવનાઓ સાથે રેડ એલર્ટ આપવામાં આવ્યું છે. જ્યારે સૌરાષ્ટ્રના અમરેલી અને ભાવનગર માટે રેડ એલર્ટ આપવામાં આવ્યું છે.  પંચમહાલ અને છોટાઉદેપુર માટે અત્યંત ભારે વરસાદની સાથે ઓરેન્જ એલર્ટ આપવામાં આવી છે. આ ઉપરાંતના જિલ્લાઓમાં ભારેથી અતિભારે વરસાદની આગાહી આપવામાં આવી છે. સૌરાષ્ટ્રની વાત કરીએ તો, સુરેન્દ્રનગર, રાજકોટ, અમરેલી, ભાવનગર, ગીરસોમનાથ, બોટાદ અને દીવમાં ભારે વરસાદની વોર્નિંગ અને યલો એલર્ટ આપવામાં આવી છે.

► સોમવારે ક્યાં વિસ્તારમાં વરસાદની ભારે આગાહી?

હવામાન વિભાગે પાંચમાં દિવસ એટલે સોમવારની આગાહી જણાવતા કહ્યુ છે કે, ભાવનગર, નર્મદા અને ભરૂચ માટે અત્યંત ભારે વરસાદની આગાહી સાથે ઓરેન્જ એલર્ટ છે. આ ઉપરાંતના જિલ્લાઓમાં ભારેથી અતિભારે વરસાદની આગાહી આપવામાં આવી છે.

► મંગળવારે ક્યાં વિસ્તારમાં વરસાદની ભારે આગાહી?

માટેની આગાહીમાં સુરેન્દ્રનગર, બોટાદ પાટણ, અમદાવાદ, ગાંધીનગર,આણંદમાં અતિભારે વરસાદની આગાહી આપવામાં આવી છે. આ ઉપરાંત વડોદરા, ભરૂચ, મહેસાણામાં તથા આ ઉપરાંતના જિલ્લાઓમાં ભારેથી અતિભારે વરસાદની આગાહી છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel , Gujarat rain forecast - gujarat weather expert ambalal patel date wise rain prediction in april rain forecast - અંબાલાલ પટેલની આગાહી - ગુજરાતમાં વરસાદની આગાહી - Gujarat rain forecast - અંબાલાલ પટેલની આગાહી - Ambalal patel prediction For the cyclone next month in arabian sea gujarat weather update - IMD Forecast Cyclone - આજની આગાહી - વરસાદની આગાહી લાઈવ - આજની વરસાદની આગાહી - વરસાદની આગાહી તારીખ - વરસાદની આગાહી અંબાલાલ પટેલ - આજની આગાહી 2024 - હવામાન આગાહી - વરસાદની આગાહી ગુજરાતમાં - Ambalal Patel Prediction Rain Forcasting - અંબાલાલ પટેલ તરફથી ચેતવણી ambalal ni agahi varsad ni 2024